Petit pain على شكل مسمن


المكونات
g 500 دقيق (فورص ديال الحلوى )
1 ملعقة كبيرة خميرة الخبز
5 معالق كبار سنيدة
2 معالق كبار زبدة ذائبة
بيضة
1 خميرة فاني
ملح
ماء دافئ للخلط

للحشو :
 شكلاط اسود مقطع مربعات او كريم باتيسيير.

الطريقة
نخلطو جميع المكونات بالماء حتى نحصل على عجين متماسك و تكون شوية قاسحة حيث كاترخف مع الدليك من بعد نقسموها من 9 حتى 10 كويرات و نخليوهوم يترخفو غير شوية انبداو نشكلو في الرغيفات حتى نكملوهوم في مرة...و من بعد ناخدو رغيفة نكرصوها بحال الى غادي نطيبوها اكانقسموها على 2 بالموس و نبداو نحشيوها بالشكلاط انلفوها على نفسها و من بعد نحطوها فالطاوة لي غتدخل للفرن حتى نكملو الكل انخليوها تحمر من 30 الى 45 دقيقة .
ذهنيهوم باصفر البيض ممزوج مع شوية القهوة ذايبة في قليل من الماء...اكاندخلوهوم للفرن.


0 التعليقات:

طريقة تحضير رايبي جميلة


المكونات
نصف لتر لبن
نصف لتر حليب
5 معالق صغار سنيدة
1 ملعقة صغيرة نيدو
1 دانون فاني
1 كاس صغير سيرو احمر

الطريقة
نطربو كولشي فمولينيكس و ندخلوه للثلاجة يبرد.ا
                                                                                    بالصحة و الراحة.

0 التعليقات:

عصير التمر


المكونات
4/1 كلغ تمر
50 لوزg
50 كركاعg
1 لتر حليب
سنيدة على حسب الذوق حيت العصير كايجي حلو

الطريقة
نقيو التمرانطحنوه مع الحليب مزيان .. من بعد نضيفو ليه اللوز و الكركاع... سنيدة الى مابغيتيش ديريها بلاش.

                                                                      بالصحة و الراحة.

0 التعليقات:

كفتة السردين مطحونة مع الخضر


المكونات
1 كلغ سردين
1 بطاطس
1 بصل
1 جزر
1 بيضة
ثوم + معدنوس
التوابل ( ملح- ابزار- كمون)

الطريقة
كنطحنو السردين مع البطاطس و البصل و الجزر ثم كانحكو عليهوم الثوم و نخلطو معاهوم المعدنوس و التوابل و انعجنوهوم بالبيضة.
كنديرو فالكفتة كويرات اكاندوزوهوم فالطحين اكانقليوهم فالمقلاة...اكايتقدمو مع السلطة لذاذ اماكايهزوش زيت.
  بالصحة و الراحة.


0 التعليقات:

العجينة السحرية (البيتزا و الكرواصة...)


المقادير
4 كيسان دقيق
1/2كوب ياغورت طبيعي مسوس
1/4 كاس زيت او 4 معالق كبار
2 معالق كبار خميرة العجينة
1 ملعقة صغيرة خمارة حمراء
ملح
1 ملعقة كبيرة سنيدة

الطريقة
كنخلطوخميرة الخبز و سنيدة مع 3 معالق كبارماء دافئ و نخليو الخليط يرتاح مدة دقائق حتى تتكون رغوة ...نضيفو الخليط الى الدقيق و باقي القادير ثم نقوم بالعجن مع اضافة القليل من الماء او الحليب ثم نعجنها لمدة دقائق جيدا حتى نحصل على عجينة ناعمة و لا تلتصق بالاصابع.
نغطي العجينة بمنديل ثم نتركها ترتاح في مكان دافئ حتى يتضاعف حجمها و هكذا تكون العجينة جاهزة للاستخدام.

*ملاحظة :

لتحضير البيتزا نستعمل زيت الزيتون - اما الكرواصة فنستعمل زيت المائدة.

0 التعليقات:

فطائر بانكيك


المقادير
3  بيضات
kg 1/4 طحين
2   اكياس خميرة حمراء
1 خميرة فاني
 70g   سنيدة
15 cl  حليب
7cl زيت
ملح

الطريقة
كناخدو البيض و سنيدة و الفاني انطربوهوم – نزيدو الحليب و الزيت ثم شوية ملح من بعد نضيفو الخمارات و الطحين. يخلط الكل و يترك يرتاح و يطهى في التيفال.

للتزيين   
شكلاط دايب + لوز مهرمش (حسب اخياركم ..)


0 التعليقات:

عصيرنيكتاري منعش و طبيعي


المكونات
4 برتقال (3 كانقشروهوم اوحدا كانخليوها بالقشور ديالها اكانطرفوهوم )
1 حامضة مقشرة و مقطعة
2 جزر مقشر و مقطع
1/4 كلغ سنيدة


الطريقة
كانديرو كلشي فالكوكوط (طنجرة الضغط) مع لتر ديال الماء و 1/4 كلغ سنيدة .
كانعبرو 4 لتر ديال الماء ...اكانطحنو المكونات مع الماء فمولينيكس اكانزيدو سنيدة على حسب الذوق .....ملي كانطحنو كلشي كانديروهوم فالقراعي اكانديروهوم فالثلاجة 2 ايام تقريبا .
كايجي زوين .


بالصحة و الراحة


0 التعليقات:

كيكة الفواكه



المكونات
4 بيضات
1 كاس سنيدة
1 كاس مخلط : نصف زيت و نصف زبدة مذوبة
1 ملعقة كبيرة خميرة حمرة
1 خميرة الفاني
2 كيسان و نصف طحين

للتزيين
2 دانون فواكه (حسب الاختيار لكن احسن ديال الفراولة) + فواكه (موز- تفاح –فراولة...)

الطريقة
كنخلطو كلشي انديرو الخليط فالمول اندخلوه للفران حتى تطيب الكيكة و تتحمر ... من بعد نذهنوها بدانون انزوقوها بالفواكه حسب الاختيار.



بالصحة و الراحة.

0 التعليقات:

الاشتراك في: التعليقات (Atom)
Blogger Template by Clairvo Translated by Arabe-eye